小邪部落 ~~ \(╯-╰)/

                  美食博覽第一日比較少人

                           果晚買左四袋食物

                    出前八丁40周年等别套裝

                          日本始祖雞公仔

                            益力多特別版精品

                        我覺得這個模型整得幾靚

                                這個都好靚架

    假如我屋企有齊以上所有模型，咁就好U....

                          還有我最鐘意既星矢

近期睇左兩套電影，赤壁和盜墓迷城3，

赤壁真係無乜期望，不過話晒都用咁多少

錢去拍，我相信唔會拍得好差。結果，我

一出到戲院先爆句粗口，個劇情真係好差

仲要分上下集，頂佢個肺，勁扼錢，我以

為我睇緊戰國加三國無雙乍，選角色都已

經好有問題，胡軍扮趙雲真係格格不入，

其它角色都好差，總之就垃圾一套。

盜墓迷城3簡直係不如所謂，劇情簡真垃圾，

開頭楊紫瓊係用梵文，之後又轉國語，死果

時又用英文，真係睇到我頭暈，女主角仲要

換左，演得好鬼差。李連杰個角色真係無敵

又變三頭龍,又懂五行之術，簡直玩晒。今集

比以前兩集差好遠，只可用失望黎形容。

　　　　　　　換左女主角係失敗之一

　　　　　　楊紫瓊演得好差

　　李連杰真係好型，應該搵佢做趙雲

星期六媽媽幫我拎隻手錶去修理，結果

係修理無效，死因係表錶裏面曾經入水

。最後都要選購一隻新手錶，今次選了

一隻皮造既表帶，外型都比較特別，價

錢就比上一隻貴好多..... 唉！今個月

都要節衣縮食u.....  

今年父親節難得係一家人一齊食飯，

最難得係公公和五姨由廣州黎旅遊。

還記得小時候，我都一直都好希望

一家人出外食飯。不過，以前父母

收入唔多，出外用膳簡直好少，所

以我對阿爸講過，我長大後一定要

搵多啲錢請你食魚翅，今天我地都

做到喇，相信你年年都有翅食u...

上星期睇左兩套電影其中一套係魔幻王國：

卡斯柏王子，我覺得今集比上一集更加緊湊

，無論係戰術運用或者係兩軍對戰都比上一

集出色。兩小時十五分沒有悶場，值得推介。

而另一套就笑位比較多，輕鬆簡單。

不過我覺得女主角有豬鼻果時得意啲

，可惜我遲左十幾分鐘入場，前面果

部份睇唔到，唉！><

今年第一個朋友仔結婚，竟然係識十幾年

既中學同學余曉，初時聽到真係十分驚訝

。我還以為佢會三十之後先會結婚添。不

過點都好喇，希望佢會幸福快樂。

 

                            風景(一)

                          風景(二)

                     風景(三)

                    風景(四)

                               佛手崖

                 過草叢

                                  落山

intelintel core 2.0G

2G DDR

500GB HARD DISK

ASUS DISPLAY CARD

SB LIVE SOUND CARD

DVD RW 16x

$2350

我估唔到可以買到張敬軒首場，仲係第九行添，

果晚真係好開心呀！果晚佢唱左好多首歌,都係

我好鐘意架，不過最開心既係聽到佢唱預言書

。整個演唱會真係好正。

                                      同王宛之拖手唱手望

                                果晚買左好多零食入場 

                         同hebe一齊買演唱會記念品

自從二月比賽完之後，已經好耐無練習跑

步，近期真係好攰，成日都唔夠訓。不過

我都要開始練習，今年仍然會繼續參加半

拉松，以一百名內為目標。上年半馬有萬

一人參賽，我先得五千幾排名，所以今年

我抽多啲時間練習。近期都開始係公司物

色人材，一同參加比賽。希望出年會好熱

鬧啦。以下係我練習賽道，係我以前同學

馮鏡康帶我跑架，都已經係十年前既事情

，真係好懷念以前既日子。宜家我都已經

習慣左自己一個跑步。 

1)          起點係城門河(近博物館)

 2)         一直跑去第三橋翠榕橋    

3)         之後去到工業學院

4)       由工業學院跑回博物館

             新購買裝備

                 今年練習既裝束

                             題外話

其實我一直想同阿燦講，這班七十年代

老人家，每逢星期日就會唱歌同跳舞。

我有一個得意既想法，如果三十年之後

，我地應該變成老人家，相信我地入  k

房會比人岐視，到果時我地將周杰倫,陶

吉吉,陳奕迅啲歌係度播。仲加 LCD MON

播歌我諗應該都幾正。希望到時大家都退

晒休，咁就好u....

今日為大家介紹如何把一個人運上大陸。

材料如下

1)兩個大籃

2)胶紙一卷

3)少量易碎貼子

4)真人一個

明師兄用左一分鐘就把兩個大籃完全封死。

最後把貼子貼在多眼地方，之後就可以

投寄。不過記得要放足夠既食物和水。

今次特別要感謝麥麥既演出！

兩個月前一直期望既三國之見龍卸甲，我已

經早兩天買左一行九張戲飛，約晒一班同事

睇首場，結果換來既係失望兩個字。我仲好

記得我一睇完出門口仲爆粗，個七頭李仁港

識唔識歷史架﹖亂咁改歷史。

1)趙雲第一個主公係幽州公孫瓚。

2)徐州果時個軍師係徐庶而非諸葛亮。

3)長阪之戰交代得好差，斬殺曹洪部將晏明和

  夏侯恩奪得名劍青劍，力戰焦觸、張南、馬

  延、張顗等四將都無交代。

4)趙雲係228年隨諸葛亮北伐，係鳳鳴山與魏將
 
  韓德一家作戰，刺死長子韓瑛,三子韓瓊，刺
 
  倒四子韓琪，生擒二子韓瑤，後再刺殺韓德，

  而非鄧芝所殺。

5)關興未出戰已經病死，非魏軍斬殺。

6)趙雲於成都病故，享年76歲，而非戰死沙場。

我真係想問下李大導演，本來一套好既電影，有

好既演員，有資金，你係咪好趕時間﹖成套戲真

係好亂，好多部份都交代得唔清楚。一句到尾，

不知所謂。

我想睇陶吉吉演唱會已經好耐，今次可以
係現場聽佢唱既歌，真係好開心。

                         所買既物品

已經有兩年無去海洋公園，今次係
為左補足豪仔生日而搞，而且比上
一次好玩好多。

                     一早就坐過兩次纜車

      之然再玩過山車，不過一啲感覺都無！

                   玩海盜船既情況！

                 好想得到軍曹大公仔

                  可惜得依兩隻乍！

                離開時，大家一齊影團體相！

其實大家都好攰，因為連續兩星期都
無好好休息，上星期日先參加奧比斯
，而我就三個星期無休息過，再上個
星期日先返完工，真係好鬼辛苦。

            果日仲有江若琳黎添！

             當日真係好多人參與步行

     行左一分鐘就有成巴失事！超邪！

依隻飛機我地玩左好耐！(都有半小時架)

             團體相(果邊啲風景真係幾靚)

                     最後都係買左番件戰利品！

今次活動本人一共捐出四百五大洋，
其中一百蚊係本人用黎買左件衫，其
餘款項由公司支付。完成個步行之後
，真係命都無，連續返左兩星期工，
仲要星期日五點半起身，真係好想訓
番十二個小時。不過......  當日仲
要燒野食，玩到零晨二點先返屋企，
真係攰死我。

今日終於都搵到果日跑馬拉松既相，都影
得唔靚既。原來我係跑兩小時十一分鐘。
第一年跑半馬算係唔錯既成績，希望出年
會有梗好成績喇。 

 

直到前天為止，我已經收到四十九封利是，
不過今年我全部都無拆，除左係日本仔果封
之外，因為我好想知道係比yen 定係港幣。
唔知點解今年我唔想拆啲利是，好想儲番黎
，等幾年後先一次過拆。(拆左好快用完)

年二八買的桃花和水仙終於開晒花，雖然
有點兒開得遲，不過都開得幾靚。今年係
第三年買桃花，人們都話一買桃花就要買
三年，唔係衰運會跟住黎。唔知今年有無
桃花運呢﹖

        比賽衫同號碼

今日比賽竟然遲大到，七點零八分先由起
步點起跑，差少少就比大會取消資格。今
年半馬拉松有一萬一千幾人參加，由後面
力追既感覺真係好吃力，加上我完全無做
熱身運動(無時間做)，好彩無抽筋乍。頭
十五公里真係跑得好舒服，不過一到東隧
係比較吃力，過二條隧道三條天橋，好彩
平時練習有跑斜路乍。結果今日用左二小
時二十三分完成。

返到屋企之後兩隻腳好痛同好攰。

尋日入左wing熙屋企拜年， 已經好耐無
入過佢屋企。入到屋第一時間當然同yoyo
玩la..  不過,牝好似老左好多，無以前咁
活躍u。

我發覺拜年既指定活動一定係麻雀，結
果...   我又輸錢，零八年好似無乜嬴過。

晚上約左阿雄佢地食飯，原來
已經有半年無見過佢地，一黎
到就叫左枝凍sake(清酒)，超
正。咁凍既環境當然最好飲下
酒la！